هل فكرة الاله من صنع عقل الانسان؟

سلسلة البحث عن اله : هل فكرة الاله من صنع عقل الانسان؟! 

دايماً تلاقى من زمان قوى والناس بتخلق لنفسها اله 

سواء نار او تماثيل و فالاغلب بتكون التماثيل ديه شبهم

زى مثلا الهة الفراعنه تشبه المصريين وتماثيل الالهة الصينيه شبيهة بالصينين والاسيويين 

هحكيلكم قصه سمعتها قبل كده و يقال انها قصه حقيقيه 

من زمان جدا و الاجابه هى هى نفسها مبتتغيرش

الالهة هى التى صنعت كل شىء

كان العالم مكان مخيف جدا 

 حتى للبشر الاقوياء مثل ال"Viking" كانو يؤمنون بمخلوقات فوق الطبيعيه هى التى تتحكم بكل شىء

الظواهر الطبيعيه المخيفه مثل البرق والرعد و العواصف

*الفايكينج مصطلح يطلق بالغالب على ملاحي السفن والتجار والمحاربين الذين نشؤوا في المناطق الإسكندنافية

كان للفايكنج الهه عدة

"ثور" اله الرعد

"ايجير" اله العواصف

وكان اقوى اله كانوا بيخافه منه اسمه "سكول" 

كان المسؤل عن الظاهرة الطبيعيه المخيفه جدا و المرعبه

اللى احنا بنسميها دلوقتى كسوف الشمس

"سكول" كان عايش فالسماء

و احياناً كان بيأكل الشمس :D

وقادر على تحويل النهار الى ليل

تخيل لو انت مكانهم ومش عارف التفسير العلمى 

الموضوع هيبقى غريب جدا ومقلق

تخيل ان الشمس بتختفى !

طبعا الفايكنج قرروا انهم مايسكتوش 

ولازم يعملوا رد فعل لموقف زى ده لما حصلت أول مرة

زعقوا بصوت عالى عشان يخوفوا "سكول" اللى أكل الشمس

عشان يجرى ويهرب 

بعديها شافوا ان الشمس بترجع تانى واللى كان واكل الشمس سابها وبدأ يمشى وخاف

طبعا كلنا عارفين ان اللى عاملوه ده حاجه مسخرة 

وانه غير مؤثر على الظاهرة ! كده كده الشمس هتظهر تانى 

****

خلق الله الانسان بفطرة البحث عن خالقه

القوى المتين الذى لا يخشى شىء

اختلفت الاماكن والازمنه ولكن لم تختلف فكرة وجود اله فى فطرة الانسان

روح اى مكان حتى فى الغابات هتلاقيهم بيعبدوا اى شىء بالنسبة لهم هو الخالق وهو المتحكم فالدنيا

وليهم برضوا حججهم و لو معندهمش حجج هتلاقيهم بيقولك الايمان

هل يا ترى اختلاف كل البشر ديه فالافكار وفى المكان وفى الزمان كلهم بيبحثوا عن شىء اللى بيخليهم يقدروا يعيشوا حياتهم مرتاحين 

زى المياة والاكل

ده شىء عادى ؟ .....
اه عادى ! عشان ديه الفطرة اللى ربنا خلقنا بيها

زى مثلا لو جبت قطه لسه مولودة وقط لسه مولود 

وبعدتهم عن كل القطط اللى فالحياة 

 هتلاقيهم بيعرفوا يأكلوا و يشربوا وكمان معلش فالكلمة :D بيعملوا بيبى بنفس الطريقة

وكمان 99.99% هتلاقيهم بيعرفوا يخلفوا !! طب ازاى 

هو حد علمهم ؟ لأ ديه الفطرة اللى خلقهم ربنا بيها عشان يعرفوا يعيشوه زيهم زى اى قطط تانيه

كذالك فطرة البحث عن اله

اختلفت صور الاله ولكن الفكرة موجوده

 لو أمنت بوجود اله عظيم خلق الكون وهو ليس بمادة او طاقه بل خالق المادة والطاقة اكيد ليه حكمة انت لا تعرفها حتى الأن

اكيد مش خالق الكون ده عشان يهزر معانا ! اكيد هيبعت اثباتات انه موجود وممكن رسائل كمان زى الانبياء

حسب دينى "الاسلام" ربنا بعت الالاف من الانبياء لكل مكان ولكل البشر فى كل الاماكن و الازمنه الى الرسول محمد و هو اخر المرسلين

هتلاقى كل الدينات بتتكلم عن الاحترام الصدق والامانه وكل معانى الانسانيه !

لا تسرق لا تقتل لا تكذب و الارتضاء بما رزقك الاله به

كل شىء  عشان تقدر تمشى بحياتك صح وتعرف تعيش

زى احتياجك للاكل والشرب

 هل فكرة الاله من صنع عقل الانسان؟ فكرة  الاله هى موجودة فى عقل الانسان وليست من صنعه !
 "وحتى لو لم تكن هناك فطرة داخلنا .. العقل بيستدل من وجود الاشياء حتمية الواجد لها" اضافه من مصطفى بدر

---------------------------

اشهد ان لا اله...

الا الله خالق السموات و الارض

خالق المادة و الطاقه واجد الوجود

و ان محمد احد انبيائه ورسله وخاتمهم

-

يا ريت لو عنك اى اراء فالموضوع اكتب فالتعليقات و لو عندك اضافه هحطها ان شاء الله