ازاى ربنا رحيم وفنفس الوقت هيعذب الكفار عذاب ابدى فى النار

سلسلة البحث عن اله :
* ازاى ربنا رحيم وفنفس الوقت هيعذب الكفار عذاب ابدى فى النار؟!

"الافكار اللى بتكلم بيها هنا هى مجرد افكار متطورة من افكار الدكتور مصطفى محمود"

و الله اعلى و اعلم.
زمان جدا و انا صغير كنت فاكر ان الجنة دي مكان كده ابيض فى ابيض ومليان فاكهة جديدة وكده.

كنت متخيل الجنة ديه سوق خضار :D

ولمه كبرت شوية زادت فكرة المزز الجامدة اللى فالجنة :D
(على فكرة زوجتك بتكون فى عينك احلى منهم والله اعلم)

دى كانت فكرتى عن الجنة



فكرتى عن النار كانت عبارة عن شواية فيها نار اقوى من النار بتاعت البوتجاز
بيدخلوا فيها الناس يقعدوا يصوتوا ويطلعوا يجرو ويتبدل جلودهم كل لحظة
يعنى بالظبت كده كأنها 
زى محارق بتاعت هيتلر "الهولوكوست" بس متطورة

طبعا تصويرى كان صطحى جدا زى كتير اوى من الناس

جيت فى يوم اسأل نفسى هو ازاى ربنا عنده رحمه مطلقة وهيعذب الناس ديه عذاب ابدى
طب ثانية واحد طب برضوا حتى لو سابهم
وكلنا دخلنا الجنة
طب والناس اللى موتت الاف و دمرت حياة ناس
وبوظوا اجيال  وقتلة الاطفال
الناس ديه ميرضنيش انها تتساب من غير ما تتحاسب ! وبرضوا ميرضنيش انهم يتشوا فى الشواية بتاعت اللحمة المتطورة! او يرضينى!
الصراحة مش عارف....

 اسألة..اسألة..اسألة..اسألة.


بص عشان متطولش عليك

النار هي الطاقة الحرارية والضوئية التي تنطلق أثناء التفاعل الكيميائي الذى يصاحبه اكسدة (الاحتراق بالخصوص). ولكن بعض عمليات الاكسدة الأكثر بطئاً مثل تكون الصدأ و عملية الهضم لا ينتج عنها نيران. وبالاعتماد على المادة المشتعلة والملوثات الخارجية، فإن لون اللهبوقوته قد تتغير و قد تتكون بلازما تبعاً لتأين الغازات المكونة له عند درجة الحرارة الكافية. يمكن للنار في معظم صورها أن تكون سبباً للحريق، كما أن لديها القدرة على إحداث الضرر الفيزيائي من خلال الإحراق.(link Wikipedia)
ديه النار اللى احنا عارفينها
لكن النار اللى ربنا بيقول عليها مش زى ما احنا فاكرين
تعالوا كده نبص نشوف بعض الايات اللى فالقرأن
* قَالَ ادْخُلُواْ فِيَ أُمَمٍ قَدْ خَلَتْ مِن قَبْلِكُمْ مّن الْجِنّ وَالإِنْسِ فِي النّارِ كُلّمَا دَخَلَتْ أُمّةٌ لّعَنَتْ أُخْتَهَا حَتّىَ إِذَا ادّارَكُواْ فِيهَا جَمِيعاً قَالَتْ أُخْرَاهُمْ لاُولاَهُمْ رَبّنَا هَـَؤُلآءِ أَضَلّونَا فَآتِهِمْ عَذَاباً ضِعْفاً مّنَ النّارِ قَالَ لِكُلّ ضِعْفٌ وَلَـَكِن لاّ تَعْلَمُونَ * وَقَالَتْ أُولاَهُمْ لاُخْرَاهُمْ فَمَا كَانَ لَكُمْ عَلَيْنَا مِن فَضْلٍ فَذُوقُواْ الْعَذَابَ بِمَا كُنتُمْ تَكْسِبُونَ *

ناس بتتكلم وهم فالنار
-------
* أذلك خير نزلا أم شجرة الزقوم* إنا جعلناها فتنة للظالمين * إنها شجرة تخرج في أصل الجحيم *طلعها كأنه رءوس الشياطين * فإنهم لآكلون منها فمالئون منها البطون*

شجر فالنار  و بياكلوا منها ؟

--------

النار اللى بيقول ربنا عليها مش هى النار اللى بنشوف الناس تولع بيها السجارة بتاعتها

الموضوع اعمق من كده بكتير

تأكد تماما ان عقلك المحدود الدنيوى لن يدرك حقيقة النار "اللى بُيعذب فيها"
ولن يدرك ايضا طبيعة العذاب الجسدى والنفسى فالنار

 الرحمة مع العدل
 حق اللى اتدمرت حياته يتجازى خير
وبرضوا اللى عمل حاجة غلط لازم ياخد جزائه
مش معنى انك مؤمن بربنا وبدينه يبقى مش هتتعذب
ومش معنى برضوا ان صاحبك مش مؤمن يبقى هيخلد فالنار

الكافر ياخد جزائه والمؤمن ياخد جزائه

والرحمة لو حد يستحقها

هياخدها

مين يخش الجنة والنار ديه بتاعت الخالق
مش بتاعتنا احنا
بس محدش يقدر ينكر انه هيتصفى حسابه قبل ما يخش الجنة

الجنة ! نسيت الجنة فالكلام؟ لأ بس انا تعمدت اننى اجيب الجنة فالاخر عشان احنا دايما اتعودنا نشوف الناس المتدينين يتكلموا على الجنة و بعد كده يقولك النار
الجنة يا شباب مش سوق خضار او هايبر ماركت فيه كل حاجة ببلاش
تعالو كده نبص على الكلام اللى جى ده عن أبي هريرة رضي الله عنه قال: قال رسول الله- صلى الله عليه وسلم-:قال الله تعالى: أعددت لعبادي الصالحين ما لا عين رأت ولا أذن سمعت ولا خطر على قلب بشر. وفي بعض رواياته: ولا يعلمه ملك مقرب ولا نبي مرسل.

يعنى كل اللى فبالك ده الجنة احسن منه
واللى فى بالك ده خطأ والله اعلم
يعنى الجنة مش كده 

ولا كده 

اللانش ده جامد اوى :D

---------------------------

اشهد ان لا اله

الا الله خالق السموات و الارض

خالق المادة و الطاقه واجد الوجود

و ان محمد احد انبيائه ورسله وخاتمهم

-

يا ريت لو عنك اى اراء فالموضوع اكتب فالتعليقات و لو عندك اضافه هحطها ان شاء الله.