ماذا لو غير العلم رأيه وقال الكون ازلي ؟! (الكون و الإله)

ماذا لو غير العلم رأيه وقال الكون ازلي ؟! 

معظم الدعاة الآن لو مكنش كلهم بيبدأوا دعوة الملحدين بإن الكون له بداية و من هنا
بيبدأ إثبات وجود الخالق بمساعدة العلم (بيج بانج)

ولكن لو صحيت الصبح لقيت العلماء اثبتوا إن مفيش حاجة اسمها بيج بانج و إن الكون ازلي هيحصل إيه ؟!

دي للاسف احد اكبر المشاكل في محاولة خلط الدين بالعلم

وخصوصاً لو حاجات مش مثبتة 100% 

العلم بيتغير بطريقة تخليك تخاف تعتمد عليه في إعتقاد معين,

سواء على جانب الإيمان او الإلحاد او حتى الهروب الي احضان اللاادرية.

فيه دلوقتي نظريات غير مكتملة بتنفي وجود البيج بانج

الموضوع مش مستحيل يعني

بعد بحث شخصي في محاولة وجود دليل يتفق عليه كل الناس على وجود اله

للاسف لم اجد...
دائما هتلاقي مفيش اتفاق على دليل
وكل فرق بتقتنع بوجود اله او عدم وجوده عن طريق ادلة مختلفة
مفيش حاجة متفق عليها بين كل الناس ولا يختلف عليها اتنين

بس اللي اقدر اقوله إن الموضوع فعلاً إيمان اكتر ما هو حساب 1+1 = 2
للاسف مش كدا زي ما كنت متخيل... (حتى الآن)

نرجع تاني لموضوع الكون الازلي ونعتبر مثلاً إن النهاردة اكتشف العلماء إن الكون أزلي

بالمنطق كدا واحدة واحدة مع بعض 

انت مؤمن إن فيه شيء ازلي.....
يعني العلم وصل إن فيه إمكانية لأزلية شيء
ف-هل الاوقع و المنطقي إن الشيء الأزلي ده جماد غير واعي وليس له قدرة على إتخاذ القرار ممكن يطلع منه مادة فيها حياة واعية قادرة على إتخاذ القرارات ؟
ولا إن فيه عقل مدبر هو اللي اذلي و هو صاحب الإختراعات دي ؟

في العلم بناخد التفسير الأسهل والاقرب للعقل و المنطق

على حسب إجابتك بقى كمل حياتك !!

ربنا يوفقك في طريقك اساحبي و إذا خدت الطريق التاني مش الاول
يبقى الطبيعة توفقك اساحبي 

رأيك يهمني :)

-------------

قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ

هل هو اله سد الثغرات ؟

هل هو إله سد الثغرات ؟
---------------------
مما لا شك فيه ظهور بعض الاديان و الالهة التي تعتمد بشكل تام على الجهل
في شيء و عدم إدراكه إدراك كلي و الخوف منه.

مثل "ثور" إله الرعد " ايجير" إله العواصف و "سكول" المسؤل عن الظاهرة الطبيعية المرعبة
المعروفة الآن بكسوف الشمس
"سكول" كان يسكن السماء

 واحياناً كان يأكل الشمس
وقادر على تحويل النهار إلى ليل...لا تضحك, تخيل إنك لا تعرف تفسير تلك الظاهرة العلمي وترى الشمس التي تعتبر مصدر حياة لك تختفي في وقت غير وقتها....

هل هو اله سد ثغرات ؟
دعنا نفكر سوياً...
يعتبر بعض المشككين إن لجهل البشر و كسلهم العقلي قد خلقوا لنفسهم آلهة
يعبدونها.
لن اشكك في هذا... بالفعل ده حدث في الكثير من المناطق قديماً
ولكن هذا لا ينفي ابداً وجود خالق

ادلة وجود الخالق لم تقتصر ابداً على نقص معبود بل وجود فاعل
 فما رأيناه في الكون يستحيل ان يأتي بصناعة الصدفة علمياً ورياضياً.

مثال مقتبس من كتاب الدكتور عمرو شريف : وهم الإلحاد
رجل يركب عربية فكان يعتبر إن تلك العربية بها إله هو من يجعلها تمشي بتمهل لو الإله راضي عنه و تسرع جداً لو هو غاضب منه
فأتينا بهذا الرجل وعلمناه ميكانيكا وكهرباء
والقيادة.
هو سيكتشف إن الاله الذي كان يتحكم في السيارة هو اله سد ثغرات
هو خلقه محاولاً إيجاد تفسير لما يحدث حوله.
اكتشافه لذلك لا ينفي إن هناك صانع لتلك السيارة 

هناك فرق كبير بين ذلك الاله الذي كان يتحكم بالسيارة "اله سد الثغرات"
و الاله الصانع للسيارة.


ومما لا شك فيه ما وصل إليه العلم الآن بإن الكون له بداية من عدم,
وفي نفس الوقت المادة لا تفنى ولا تستحدث من عدم.
وجود الخالق يقع في الواجب العقلي منطقياً لنشئِة الكون.
الخالق لم يكن ابداً إلهً لسد الثغرات الناتجة عن الجهل , بل هو صانع تعرفنا عليه و تأكدنا من وجوده من خلال الكون المُحكم ووجود منطق لهذا الكون.

---------

رأيك يهمني :)

-------------

قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ

شرح مبسط لنظرية الإنفجار العظيم وعلاقتها بالخالق

شرح مبسط ( المصادر في اخر المقالة)

- ماذا تعرف عن نظرية الإنفجار العظيم ؟ [Big-Bang theory ]
من قبل حوالي 13.7 مليار سنة (تزيد وتنقص 200 مليون سنة) 
حيث كان لا مكان ولا زمان
جزء من مليون من مليون من مليون من مليون من الثانية ظهر الكون من أصغر من ذرة 
إلى أكبر من مجرة(1)
وقبلها كان الكون حجمة مثل الكرة التي نصف قطرها صفر... وحجمها صفر .... لا شىء (2)

ترى النظرية التي وضعها الفلكيون و الفزيائيون والرياضيون أن الكون قد نشأ عن إنفجار هائل حدث في نقطة لا متناهية الصغر وكانت كل قوانين العلم  حينها محطمة (3)


اطلق عليها ساخراً هذا الاسم الفيزيائي البريطاني فريد هويل.(4)
صراحتاً هي تسمية خادعة وغير منضبطة
فالإنفجار يعني إنتشار غير متجانس لشظاية في فراغ
ولكن الإنفجار الاعظم كان قبل الفراغ
يقول اينشتاين عنه "إن توزيع الطاقة والمادة هو الذى خلق الفراغ والمكان"





-هل نظرية الإنفجار العظيم تقف في صف الإيمان ؟
بالطبع, فهي حجة قوية جداً استخدمت في البرهان الكوني الذى يبنى على مبدأ السببية
 "لكل شىء له بداية له سبب,
الكون له بداية,
إذاً الكون له سبب.....   "

كان يُعتقد قديماً بإن الكون ازلي لا بداية له وزادت نسبة الإلحاد جداً في هذا الوقت
حتى اتت تلك النظرية والتي نتأكد من صحتها اكثر يوماً بعد يوم
حتى اينشتاين كان يعتقد إن الكون ازلي حتى ظهرت نظرية الإنزياح الاحمر ""Red Shift"
التي تؤكد صحة نظرية الإنفجار الاعظم 
اعترف إينشتاين بإن الكون له بداية وقال حينها جملته الشهيرة
" the greatest blunder in my life"



*الإنزياح الاحمر ""Red Shift" بإختصار:نظرية توصل اليها إدوين هابل (1929) Edwin Hubble
توضح إن المجرات تتباعد و إن الكون يتمدد, إي أن له بداية.
-ماذا عن نظرية التذبذب الكمي(Quantum fluctuation) هل هي في صف الإلحاد؟
اولاً  التذبذب الكمي فرضية وليست
نظرية
الفرق كبير جداً
وهي فرضية رائعة
لا تدعم الإلحاد في شيء.
بعض الملحدين يستخدمونها كوسيلة كحجة للرد علي السببية
فيعتبرون إن المفردة التي ظهرت هي بسبب تذبذب كمومي من الفراغ, محاولين نقل السبب إلي التذبذب الكمومي بدلاً من خالق.
 التذبذب الكمومي يحدث في الفراغ الكمي
قبل الإنفجار العظيم  كان لا مكان ولا زمان
ولا فراغ كمي !! (5)

---


الكون يقف شامخاً ويُصرح بصوتٍ واضح:
لابد من وجود مُسَبِب خلق الكون قائم بنفسه
لا يحتاج لسبب و يعتني بالكون و ازلي
*
يقول الملحد(السابق) الشهير أنطوني فلو Antony Flew: "يقولون أن الإعتراف يفيد الإنسان من الناحية النفسية وأنا سأُدلي باعترافي .. إن نموذج الإنفجارالعظيم شيء محرج جدا بالنسبة للملحدين .. ذلك لأن العلم أثبت فكرة دافعت عنها الكتب الدينية"

-----------------------

1-Alexei  Filippenko  American astrophysicist and professor of astronomy at the University of California, Berkeley. 

2- A Brief History of Time Page 61 out of 101

At the big bang itself the universe is thought to have had zero size, and so to have been infinitely hot. 

3- A Brief History Of Time (P 7 out of 101): 

Hubble’s observations suggested that there was a time, called the big bang, when the universe was infinitesimally small and infinitely dense. Under such conditions all the laws of science, and therefore all ability to predict the future, would break down.

4- Radio broadcast on 28 March 1949, on the BBC Third Programme.
5- Cosmic microwave background seen by Planck
According to the standard model of cosmology, the fluctuations arose immediately after the Big Bang and were stretched to cosmologically large scales during a brief period of accelerated expansion known as inflation.

منتظر تعليقاتكم وايضا لو فيه سؤال او اضافة او تصحيح 

قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ

إجابة سؤال: هل يستطيع الله خلق صخرة يعجز عن حملها ؟

هل يستطيع الله خلق صخرة يعجز عن حملها ؟

"هل توقفت عن ضرب زوجتك؟" فأيا ما كان الجواب نعم أو لا، فهو يتضمن الاعتراف

 بأنه في وقت ما كان يضرب زوجته

مغالطة منطقية تسمى السؤال الملغوم

يرتكبها الكثير من الذين يبحثون عن اسئلة لفحمنا ولكن امالهم تخيب للاسف 

فيلجىء الى المغالطات المنطقية الغير معروفة إلا للبعض بسبب دراستها او بسبب انه 

سمع عنها من قبل و هذا نادرا ما يحدث للاسف ...

مثال لتلك المغالطة

*مفارقة كلى القدرة Omnipotence paradox

والبعض يسميها معضلة الصخرة

*******

حتى لو تغاضينا عن المغالطة المنطقية 

فهو يريد ان يضع حدود لقدرة ذات 

غير محدودة

وده مستحيل

و ايضا يريد تلك الذات التى لا يحدها الزماكن

ان تخضع لقوانين الجاذبية

اين عقلك ؟!!!

الله قادر على كل شىء 

وكل ما هو متناقض مع ذاته ليس بشىء

مثال

الله اكبر, فلو قولت هل يسطيع الله خلق شيء اكبر منه

ده تناقض=غير منطقى

كأنك بتقول لواحد لقد رأيت اليوم دائرة مربعة !!!!
كلام غير منطقى ولا تعتبر تلك الدائرة شىء 

--------------------------------------------------------------------------------------------------------------------------------

"In Defense of the Faith" (2009)

صدفة ؟!

The Inner Life of the Cell

سَنُرِيهِمْ آَيَاتِنَا فِي الْآَفَاقِ وَفِي أَنْفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ

***

يا ريت لو عندك اي اراء فالموضوع اكتب فالتعليقات و لو عندك اضافة هحطها ان شاء الله.

افلا تعقلون؟! : الأخلاق

 الأخْلاَق

الاخلاق هي عبارة عن مجموعة من القيم والمبادئ .
مقياس الاخلاق والحكم على اي فعل اذا كان اخلاقي ام لا هو نسبى مطلق.

يعنى مثلا الاوربيين لما هجموا على امريكا الشمالية وابادوا الهنود الحمر لم يحسوا حتى بتأنيب ضمير فى هذا الوقت وكانوا يعتقدوا انهم يخدمون وطنهم  العزيز,  ايضا استعبدوا ملايين من البشر ذو البشرة السمراء من افريقية وطبعا اثناء الرحلة من افريقيا الى امريكا مات نسبة ضخمة منهم ورموهم فى البحر, طبعا معتقدين ان هم اقل منهم شأن و دي حاجة مش ضد الاخلاق. (الله اعلم اذا كانوا فعلا يعتقدون ذلك او يجاهرون بالاعتقاد بذلك تبريرا لموقفهم الفاحش)
لكن مثلا بالنسبة لأي اوربي حاليا الموضوع ده غير اخلاقي بالمرة.


الاخلاق لو لم توجد حقيقة محايدة تحكم نسبيتها سنلتقى بمثل هذه الجرائم الايام القادمة.

وما يقودني الاستغراب هو ان اجد ملحد يحكم على شيء بأنه غير اخلاقي مثل الاغتصاب مثلا.
حسب مذهبك العبثي لا يحق لك ان تحكم على شيء بأنه اخلاقي او غير اخلاقي لأن ببساطة اين هي مرجعيتك التي تستمد منها مقياسك للاخلاق.
كنت بتناقش مع احد اصدقائي الملحدين, فى وسط النقاش  
سألته ايه مقياسك للاخلاق, اذا كان الفعل ده طيب ام قاسى؟
فقال( وعلى وجهه ابتسامة الانتصار ويبدو انه يعرف الاجابة )  : انسانيتي....
انتظرت لبضع ثوانى افكر فى الاجابة و لم اتوقع هذا الرد بل توقعت الصمت.
فقولت له : اجابة رائعة, ولكن ما هي مرجعية انسانيتك ؟ اليست نسبية ؟
فقال : انا بقيس الشيء اذا كان قاسى ام لا حسب وجهة نظري
فقولت له جيد جدا, اذا انسانيتك مختلفة عن انسانية البشر الاخرين.
قال : الانسانية واحدة و الشيء القاسي والغير اخلاقي لا يختلف عليه اثنين.
فقلت له : واحد مثل هتلر و اعوانه احرق الملايين من اليهود من اجل ان  ينزه و يرتقى بالجنس الالماني (النظرية الداروينية الغير اخلاقية)
وهو على فكرة كان منتخب بالصندوق عن طريق انتخابات ديموقراطية
ده شيء غيراخلاقى بالنسبة لي ولك و ايضا هناك الالمانيون يعتقدون ان هذا غير اخلاقي الان ولكن بالنسبة له
ومن كان يسانده فى هذا الوقت فهذا شيء اخلاقي ممتاز و انه يرتقى بابناء وطنه. 
فسكت صديقي الملحد قليلة ثم قال, انا لا اريد ان اعرف اي شيء عن الخالق, ولن استفيد شيئا من ان اعرف اذا كان موجود ام لا, ثم استأذن لينصرف.....
**
من اين تلك المرجعية التي تقول ان السرقة غلط
لماذا لا نسرق ولا نقتل ولا نظلم الناس ؟
لا تقول لي المنفعة العامة
فهذا يحمى الضعفاء, ولكن دائما ما نجد القوانين تحمل اشد العقوبات نحو من يخطى ولكن من اين مرجعيتهم ؟ يقول لك المصلحة العامة .. ومن قال لك ان هذا مع المصلحة العامة ؟ ما هي مرجعيتك فى ان هذا مع او ضد المصلحة العامة ؟ ولماذا يحاول الملحد الحفاظ على المصلحة العامة؟؟! لو قولت لي لأن من يسرق اليوم سيسرق منه غدا اذا انت تؤمن بالغيب و القدر و فسدت عقيدتك
كن شجاعا و اعترف.. ليس لك اي مصلحة فى تحقيق المصلحة العامة يا صديقي الملحد.
لن يقبل الظالم ابدا ان يكون مكان المظلوم فهناك شىء بداخلة يعرف الحق من الظلم, فهل انت قادر على الاعتراف بالفطرة ؟......

قال نيتشه قديما :- إن قصور الإنسان في القوة ناتج عن إلتزامه الأخلاقي

يقول المفكر الإنجليزي جون لوك :- إذا كان كُل أمل الإنسان قاصرا على هذا العالم وإذا كنا نستمتع بالحياة هنا في هذه الدنيا فحسب فليس غريبا ولا مجافيـا للمنطق أن نبحث عن السعادة ولو على حساب الآباء والأبناء

لو هنتكلم بأسلوب علمي النصوص الدينية هي التي دائما ما تضع اسس و حدود و حقيقة للاخلاق عبر العصور, ونرجع بالتاريخ لنص من اقدم النصوص التي عرفتها البشرية فى كتاب الموتى:

اقتباس من كتاب الموتى :
"السلام عليك أيها الإله الأعظم إله الحق. لقد جئتك يا إلهي خاضعا لأشهد جلالك، جئتك يا إلهي متحليا بالحق، متخليا عن الباطل، فلم أظلم أحدا ولم أسلك سبيل الضالين، لم أحنث في يمين ولم تضلني الشهوة فتمتد عيني لزوجة أحد من رحمي ولم تمتد يدي لمال غيري، لم أكن كذبا ولم أكن لك عصيا، ولم أسع في الإيقاع بعبد عند سيده. إني (يا إلهي) لم أجع ولم أبك أحدا، وما قتلت وماغدرت، بل وما كنت محرضا على قتل، إني لم أسرق من المعابد خبزها ولم أرتكب الفحشاء ولم أدنس شيئا مقدسا، ولم أغتصب مالا حراما ولم أنتهك حرمة الأموات، إني لم أبع قمحا بثمن فاحش ولم أغش الكيل. أنا طاهر، أنا طاهر، أنا طاهر. وما دمت بريئا من الأثم، فاجعلني يا إلهي من الفائزين.

و ايضا

     "لم أتسبب في أذية أنسان ,ولم ارغم أحدا من أقاربي على فعل السيئ.
ولم أناصر العمل السيئ على العمل الطيب,
ولم أمشي مع المعتدي. …"

الانسانية من الله و هو من يضع الحقيقة التي تروض النسبية الاخلاقية.

ان الله لن يعذب من لم تصله الرسالة ولم يعلم انها الحق فى قلبه.
قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
منتظر تعليقاتكم وايضا لو فيه سؤال او اضافة او تصحيح 

---------------------------------------

سؤال للملحدين : لماذا هناك شيء بدلا من لا شيء ؟!

أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ

أَمْ خَلَقُوا السَّمَاوَاتِ وَالأَرْضَ بَل لّا يُوقِنُونَ

ابليس التعيس

 كان دائما ابليس يجيلى يصبح عليا فى خيالى

وبرضوا كان بيجى فبالى  انه هو سبب كل الشرور و الحجات اللى مش كويسة

وانه اى حاجة غلط بعملها هو السبب

ولكن لما كبرت شوية اكتشفت ان اصلا من البداية ابليس المفروض ميجيش فى خيالى
اصل تعالى نفكر كده مع بعض.....

هايجى فى خيالى فاكيد هيبقى ليه شكل

تفتكر الشكل هيبقى عامل ازاى ؟ احمر و ودان كبيره و ماسك شوكة كبيرة

اعتقد معظمنا كان بيتخيل الشكل ده, ممكن فى ناس تختلف هل هو عنده ديل ولا معندوش

هل هو عنده 5 صوابع زيننا ولا 6 ولا 3

الحقيقة انه كلنا واخدين عن الراجل ده فكرة وحشة
انا نفسى اعرف هو مين اللى قال الاوصاف ديه ؟
دايما يتطلع فى الكرتون كده معرفش ليه

ابليس احنا مشفنهوش قبل كده ولا حد شافوا قبل كده غير سيدنا ادم

والله اعلم شافه ولا برضوا زيننا وسوسله من غير ما يشوفه

ابليس ممكن يتطلع شكله حلو عادى يعنى ! وجميل جدا كمان

و الاية بتاعت شجرة الزقوم انه بيتطلع منها شىء بيتاكل يشبه رأس الشياطين ده ميدلش انه شكله وحش او حتى شكله احمر وبديل 

احنا محتاجين نغير وجهة نظرنا ناحية الراجل ده شوية

يعنى مثلا 

لو فاكر ان الشيطان ده هو سبب مشكلتك فالحياة تبقى غلطان

الشيطان كائن ضعيف وملهوش سلطان علينا
فقط يوسوس

كلام جميل معسول

 زيه زى واحد واخد كورس ماركتنج مثلا :D 

يعنى انا اعتقد واحد من صحابى بتوع الماركتينج ممكن لو قعد مع الشيطان شوية هيقنعه يشترى المنتج و هو مبسوط كمان

المشكله فيك انت مش فى الشيطان

بص كده الشيطان هايجى يقولك ايه للى بيتحجج بان الشيطان هو سبب الحاجات المش كويسة اللى بيعملها
وَقَالَ الشَّيْطَانُ لَمَّا قُضِيَ الأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ

فى بنى ادمين بشر كده زيى زيك اخطر من الشياطين بتوع الجن

اه والله اه والله اه والله

نيجى بقى لأخر حاجة هتكلم عليها
الشيطان جن ولا ملاك ؟
هتقوللى ملاك هقولك انه قال خلقتنى من نار وخلقته من تراب

هتقولى جن هيتطلع واحد من الشباب اللى بتحب يفكر يقولك
ازاى مع ان الاية ديه بتقول انه ملاكوَإِذْ قُلْنَا لِلْمَلائِكَةِ اسْجُدُوا لِآدَمَ فَسَجَدُوا إِلاَّ إِبْلِيسَ أَبَى وَاسْتَكْبَرَ وَكَانَ مِنَ الكَافِرِينَ
الناس ديه زى الفل بس المشكلة فى حاجة
اللغة العربية واسعة جدا
عملت مشاكل كتير بالنسبة للعرب فالقرأن

لأن مثلا العربى فاكر انه هيقرأ القرأن بقى و هيفهم عشان هو بالغة العربية !!
عمرك سمعت عن الاستثناء المنقطع ؟
وجدت كل الاكل الا المياة

 الاستثناء المتصل ما كان فيه المستثنى من جنس المستثنى منه كالمثال المذكور فـ(خالد) من جنس (التجار).

والاستثناء المنقطع ما كان فيه المستثنى من غير جنس المستثنى منه ويختار فيه النصب دائماً مثل (رحل التجار إلا بضائعهم) والغرض من ذكره دفع التوهم الحاصل حين الاقتصار على (رحل التجار)، فإن السامع قد يظن أنهم رحلوا ببضائعهم كما هي العادة، فذكر الاستثناء استدراكاً ودفعاً للتوهم.

الشيطان عصى الله و الملائكى لا تعصى و الشيطان مخلوق من نار و الملائكة مخلوقة من نور

ولا تنسوا هذه الاية : وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ ۗ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ ۚ بِئْسَ لِلظَّالِمِينَ بَدَلًا

اقول قولى هذا و استغفر الله
يا رب يكون الكلام ده فاد حد


ولو عندك اى اراء ياريت تقولى فالكومنتات و استفيد منك ان شاء الله--------------------------------------

سبحانك انى رأيت صفاتك فى كل شىء لا اله الا انت خالق الخلق واجد الوجود


صانع كل شىء, روحى منك واليك ترجع وهى لك يا الله
لك مطلق العلم والقوة والقدرة
سبحانك انى كنت من الظالمين

حوار مع صديقى ريتشارد دوكينز

سلسلة البحث عن اله : حوار مع صديقى ريتشارد دوكينز

بالنسبة للناس اللى بتقعد تقوللى ان فيه اخطاء املائية انا اسف, انا بحاول على قد مقدر اظبت لغتى وبكتب بالغة العامية اغلب الاوقات عشان موقعش فالخطأ ...شكراُ...

بقالى كتير مكتبتش حاجة; عشان قاعد بفكر فى شوية حاجات كده.

بقلب فى الإنترنت عشان برضوا أعرف وجهات نظر أشد وأقوى الملحدين عن وجود "الخالق",

لقيت فيديو عن مقابلة بن شتاين مع الحاج ريتشارد دوكينز

من الآخر فيديو عالمى: بن شتاين بيسأل فيه أسأله لريتشارد دواكينز.
تمنيت أنني لو كنت موجود; عشان أرد, وبرضوا كان نفسى كل الشباب اللى شايفين الحاج ريتشارد إنه اعظم الملحدين اللى موجودين دلوقتى بعد مع انتونى فلو أمن بوجود إله و "فقعهم زومبه" إنهم يشوفوا الفيديو ده.

قولت أنا هحط اللينك على البلوجاية, و هحط السؤال و الجواب و هعتبر نفسى كنت قاعد معاهم.

لينك الفيديو هحطه فى آخر التدوينه.

-------------- بسم الخالق العظيم الذى لا إله إلا هو------------
 إن هذه التدوينه هى فقط لنقض إجابات وأفكار الحاج ريتشارد دوكينز و ليست لنقضه كشخص فهو رجل مفكر, وعالم  نحترمه, ولكن لا نقبل نظريته الغير عقلية.
هو فاكس الصراحة بس لازم نقول الكام كلمه دول...

وطبعا اعذرونى على الترجمة اللى مش 100% الفيديو موجود فى اخرالتدوينه اللى عايز يشوفة باللغة إلانجليزية.

-----
بن شتاين:  اهلاً يا بروف, عامل ايه يا باشا؟! أنا بن شتاين و أسف عشان خليتك تستنانى, إيه الأخبار؟

ريتشارد دوكينز: تمام.


بن شتاين: إنت كتبت إن الأله هو شىء نفسي اخترعوه الناس المخدوعة؟ 

ريتشارد دوكينز:لا أنا مقولتش كده بالظبت, أنا قولت حاجة أحسن من كده, إدينى الكتاب أقرأ منه "يقصد الكتاب بتاعه".


بن شتاين:  أتفضل يا معلم " و إداله الكتاب"

طبعا الكلام اللى جى ده ريتشارد فقط هو اللى مسئول عنه ومكتوب فى كتابه.
ريتشارد دوكينز:  إله العهد القديم " الجزء الأول من الكتاب المقدس للدين المسيحي" ممكن نقول عليه أسوء شخصية خيالية :
غيور و فخور بذلك, غير عادل, حاقد متعطش للدماء, كاره للنساء, خائف من المثليين, عنصرى, مزعج, حاقد,قاتل أطفال, مهلك و مفتعل للأوبئة, عنده جنون عظمة الخ......
 " طبعا أنا مترجمتش الصفات كلها و ترجمت إللى اعرفه. 
الجمله كاملة بالغة الانجليزية .

بن شتاين: هو ده تفكيرك نحو الإله؟

ريتشارد دوكينز:أيوه.

بن شتاين:  طب دلوقتي الناس إللى مؤمنين باله الحب, والطيبة, والتسامح, والكرم المسمى بالإله بتاع الأيام ديه ؟ ليه تبوظلهم حياتهم؟ ليه متخلهمش يستمتعوا بحياتهم ؟

ريتشارد دوكينز:أنا مش عايز أبوظ حاجة لحد, أنا كتبت كتاب وهما يقرأوه او لأ ده يرجع ليهم و أنا أعتقد إن ديه حرية إنك تحرر نفسك من الأفكار الخرافيه البدائية ديه.

بن شتاين:يعنى إنت شايف إن الأديان أفكار خرافات بدائية ؟

ريتشارد دوكينز: أيوة


بن شتاين: إنت تؤمن إن التحرير هو أنك تقول للناس إن مفيش اله ؟

ريتشارد دوكينز: أعتقد ان بيبقى فيه إحساس الحرية إنّك تتخلص من الخرافات ديه.


بين شتاين: إيه دليلك؟ 


ريتشارد دوكينز: بيجيلي شوية جوابات من ناس عن تجارب شخصية.

بين شتاين: بيجيلك كام جواب؟, فيه 8 بليون إنسان عايش على الأرض.

ريتشارد دوكينز: أنا عارف الكلام ده ومتأكد
لا تعليق!
بين شتاين: إنت متأكد من إن مفيش إله كام فالميه ؟

ريتشارد دوكينز:99%.


بين شتاين: إنت عرفت منين انه 99%, ليه مش 97% ؟

ريتشارد دوكينز: مش عارف إنت قولتلى حط رقم فأنا حطيت. و إنا مش مستريح إننى أحط رقم اصلا.


بين شتاين: يعنى إنت متعرفش تحط رقم عليه ؟



ريتشارد دوكينز: لأ.



بين شتاين: ممكن يكون 49% ؟

ريتشارد دوكينز: لأ, أعتقد أكتر من 50%.


بين شتاين: عرفت منين ؟

ريتشارد دوكينز: معرفش أنا حطيت نقاش فالكتاب.

بين شتاين: مين إللى عمل السموات والأرض؟

ريتشارد دوكينز: إنت ليه بتسأل سؤالك بصيغة "مين".

بين شتاين: طب إزاى إتخلقت ؟

ريتشارد دوكينز: بعملية بطيئة جداً.
هبتدى أخش أنا من هنا بقى و هكتب بالون الاحمر  :D
بين شتاين: كيف بدأت ؟

ريتشارد دوكينز: مش عارف, ومفيش حد عارف. إحنا عارفين نوع الحدث اللى أكيد حصل بس.
نشأت الكون, هذا الحدث يؤكد وجود خالق, عندما يتواجد الشىء من اللا شىء " خلق من عدم" فهذا يبرهن وجود فاعل " صانع ذكي" قوة غير طبيعية.
" أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا وَجَعَلْنَا مِنَ الْمَاء كُلَّ شَيْءٍ حَيٍّ أَفَلَا يُؤْمِنُونَ " ( الأنبياء : 30)


بين شتاين: وده إيه ؟

ريتشارد دوكينز: أول جزىء الذى تكرر ذاتيا.

بين شتاين: وده حصل إزاى؟

ريتشارد دوكينز: مش عارف ولا حد عارف.

بين شتاين: إيه رأيك فى موضوع التصميم الذكي؟ هذا الموضوع لديه أجوبه على بعض المسائل الجينية و التطور.
هنا بقى الحاج ريتشارد صديقي الصدوق هيبتدى يخرف فالجزىء اللى جى ده
تعالو مع بعض نشوف الراجل اللى بيقول على فكرة الدين خرافات بيقول ايه :D
ريتشارد دوكينز: بص يا برنس, إحتمال يكون فى وقت قديم جداً فالزمن كانت هناك حضارة أكثر تقدما فى مكان ما آخر اتطورت ممكن تكون بطريقة داروين بمستوي عالى جدا من التكنولوجيا وهما اللى عملوا الحياة اللى احنا بنشوفها دلوقتى على كوكبنا ده 
وده مش مستحيل وممكن جدا كمان لو نظرت الى الكمياء و بعض العلوم هتجد دليل على صانع ذكى.
أنا لو كنت قاعد معاهم فالحقيقة كنت عملت صوت إعتراضى مشهور فى مصر.
يعنى إنت بروح طنط أم ريتشارد لا تؤمن بوجود خالق لهذا الكون كله ولكن بتؤمن بوجود كائنات فضائية معاها تكنولوجيا هى اللى عملت الحياة ديه ؟
 الراجل إتجنن باين!!!!

يكمل الحاج ريتشارد كلامة و يقول إن الصانع ده ممكن يكون أكثر ذكائا مننا وهو من مكان آخر فى الكون.

وحياة أمك ؟ :D

بين شتاين: يعنى إنت لا تؤمن بالتثليث او إله الهندوس او إله الأسلام ؟

ريتشارد دوكينز: لا طبعا ولا واحد منهم إزاى تسألنى سؤال زى ده

بين شتاين: ولا أى إله فى اى مكان ؟

ريتشارد دوكينز: ولا أى إله يا برنس !

بين شتاين: طب تعمل إيه لو أنت موت وطلع فيه إله؟

ريتشارد دوكينز: هقوله : سيدي.. ليه خليت نفسك مخفي وتصعب الامور علينا !

هو ليه دايما انتوا فاكرين إن الخالق ده مادة او طاقة 

ده حتى الطاقة لا يمكن ان ترى بالعين

الله "الخالق العظيم" ممكن تستدل عليه بالعلم
بمجرد النظر الى مخلوقاته!
فهو ليس بمادة ترى بالعين او طاقه تعرف قيمتها عن طريق قوانين اخترعتها أنت !

عارف المشكلة فى إيه ؟ ربنا مش مخفى, إنت اللى مبتشوفش !

لينك الفيديو

اختم كلامى بقولى هذا و أستغفر الله لى :D
و يارب ما كونش غلط فى حاجة و لو أنا غلطان فى أى حاجة يا ريت تقوللى وجهة نظرك لو صح هعدلها إن شاء الله 
ولو فيه اى سؤال اسألنى هنا
ask.fm/HeshamWatany
ولو عايزنى اتكلم فى موضوع معين قوللى هنا
twitter.com/heshamwatany